歌手林子祥（阿Lam）與90後導演陳恩碩近日在網上直播節目暢談音樂，阿Lam自爆愛坐馬桶寫歌，又透露原本對被指「年度最洗腦廣告歌」《YUU》的舊曲新詞感覺好怪。網友亦關心阿Lam與老婆葉蒨文（莎莉）的感情生活，即場追問阿Lam曾否被逼寫情歌！
直播中阿Lam透露只用了一個多小時完成名作《零時十分》，而且他有在廁所寫歌的習慣！「我多數寫歌都係廁所，廁所似小錄音室，聲靚，關上門無人聽到。」陳恩碩搞笑地追問阿Lam，「你係坐廁所寫歌，定係去緊廁所寫歌？係咪通便時通埋個思維？」阿Lam尷尬地回應，「要坐係廁所得果個位咋喎！上下都通呀！」他續指作曲後，隨即讓林振強填詞，合作無間的二人很快就完成這首家傳戶曉的歌。
最近紅爆的宣傳歌《YUU》十分洗腦，阿Lam被問到收到經別人改造的詞有何感想，他說：「係怪㗎，好唔舒服㗎！要表達首歌係宣傳積分計劃，都改過四、五次，係洗腦歌，Hard Sell㗎，唔好要我再唱啦！我怕到下次演唱會，唱唔番原詞。」網友搞笑地留言表示，期待阿Lam在紅館唱《YUU》。
有網友問阿Lam創作情歌的歷程，提到「《完全是你》係唔係莎莉逼你寫㗎？」阿Lam指他很喜歡這首歌，「她每次都唱得好勁，點會係逼我寫呢！」也有人問阿Lam最鍾意莎莉甚麼，阿Lam帶著甜蜜的笑容稱，「欣賞佢嘅直接，永遠不會有假感情，你講咩嘢佢嘅第一反應係最真，鍾意便鍾意。」可見兩人結婚逾20年仍然非常恩愛，網友稱「真是令人羨慕的音樂情緣。」
